ការ​វាយ​ប្រហារ​របស់​អ៊ីស្រាអែលនៅ​ក្នុងទីក្រុង​ហ្គាហ្សា ​បណ្តាល​ឱ្យ​មាន​មនុស្សស្លាប់​ និង ​របួស​ជាច្រើននាក់

ប្រភពប៉ាឡេស្ទីនបានរាយការណ៍ថា មានជនជាតិប៉ាឡេស្ទីនរាប់សិបនាក់បានស្លាប់ ឬ រងរបួសកាលពីថ្ងៃអាទិត្យ នៅក្នុងការវាយប្រហាររបស់អ៊ីស្រាអែលទៅលើសង្កាត់នានា នៅភាគខាងកើត នៃទីក្រុងហ្គាហ្សា ក្នុងតំបន់ ហ្គាហ្សា ស្ទ្រីប ភាគខាងជើង នេះយោងតាមទីភ្នាក់ងារសារព័ត៌មានស៊ីនហួ (Xinhua News Agency) របស់ប្រទេសចិន ដែលបានចុះផ្សាយនៅ ព្រឹកថ្ងៃចន្ទ ទី០៨ ខែកក្កដា ឆ្នាំ២០២៤ នេះ។

ប្រភពគ្រូពេទ្យបានប្រាប់ទីភ្នាក់ងារសារព័ត៌មានស៊ីនហួថា អ្នករងរបួសរាប់សិបនាក់ រួមទាំងកុមារ ត្រូវបានបញ្ជូនទៅកាន់មន្ទីរពេទ្យ Kamal Adwan នៅភាគខាងជើង នៃតំបន់ ហ្គាហ្សា ដោយសារតែការទម្លាក់គ្រាប់បែក។

ការបាញ់ផ្លោងបានកើតឡើង បន្ទាប់ពីកងទ័ពអ៊ីស្រាអែលបានណែនាំអ្នកស្រុក Tuffah និង អ្នកភូមិ Daraj និង តំបន់ផ្សេងទៀត ឱ្យជម្លៀសខ្លួនចេញភ្លាមៗទៅកាន់ទីជម្រកនៅភាគខាងលិច នៃទីក្រុងហ្គាហ្សា។

អ្នកនាំពាក្យកងកម្លាំងការពារអ៊ីស្រាអែល (IDF) លោក អាវិឆៃ អាដ្រេ (Avichay Adraee) បាននិយាយនៅក្នុងសេចក្តីថ្លែងការណ៍មួយកាលពីថ្ងៃអាទិត្យថា ចំពោះអ្នកស្រុក និង ជនភៀសខ្លួនទាំងអស់នៅក្នុងស្រុក Tuffah, ទីក្រុង Old Town, ភូមិ Daraj និង តំបន់ផ្សេងទៀត ដើម្បីសុវត្ថិភាពរបស់អ្នក ជម្លៀសខ្លួនចេញភ្លាមៗទៅកាន់ទីជម្រក ដែលបានបង្កើតឡើងនៅភាគខាងលិច នៃទីក្រុងហ្គាហ្សា។

មនុស្ស​ជា​ច្រើន​បាន​ភៀស​ខ្លួន​ចេញ​ពី​ផ្ទះ​សម្បែងនៅ​ពេល​ថ្ងៃ​លិច និង ​ពេល​ល្ងាច ដើម្បី​ស្វែង​រក​កន្លែង​សុវត្ថិភាព​នៅ​ភាគ​ខាង​លិច នៃ​ទីក្រុងហ្គាហ្សា។ វីដេអូដែលចែករំលែកដោយសកម្មជនប៉ាឡេស្ទីននៅលើបណ្តាញទំនាក់ទំនងហ្វេសប៊ុក (Facebook) បង្ហាញពីគ្រួសារ ដែលចាកចេញដោយយានជំនិះឯកជន ឬ ដោយថ្មើរជើង ដោយមានកាន់របស់របរមួយចំនួនរបស់ពួកគេ។

ប្រធានមន្ទីរពេទ្យឥណ្ឌូណេស៊ី នៅភាគខាងជើង តំបន់ហ្គាហ្សា លោកវេជ្ជបណ្ឌិត Marwan Sultan បានប្រកាសស្ថានភាពក្នុងគ្រាអាសន្នយ៉ាងខ្លាំងនៅក្នុងនាយកដ្ឋានមន្ទីរពេទ្យ បន្ទាប់ពីការជម្លៀសខ្លួនចេញពីមន្ទីរពេទ្យ Baptist Hospital នៅទីក្រុងហ្គាហ្សា។

នៅព្រឹកព្រលឹមថ្ងៃទី២៨ ខែមិថុនា កងទ័ពអ៊ីស្រាអែលបានប្រកាសពីការចាប់ផ្តើមប្រតិបត្តិការជើងគោកនៅក្នុងសង្កាត់ Shejaiya ជាប់នឹងស្រុក Tuffah និង ភូមិ Daraj។

កងកម្លាំងការពារអ៊ីស្រាអែលបាននិយាយនៅក្នុងសេចក្តីថ្លែងការណ៍មួយកាលពីថ្ងៃអាទិត្យថា ក្នុងរយៈពេលមួយសប្តាហ៍កន្លងមកនេះ ទាហានមកពីអង្គភាពឈ្លបយកការណ៍របស់ទាហានឆត្រយោង បាននឹងកំពុងប្រតិបត្តិការនៅក្នុងតំបន់ Shejaiya។

កងកម្លាំងការពារអ៊ីស្រាអែលបានបន្ថែមទៀតថា ទាហានបាននឹងកំពុងកំណត់ទីតាំងអាវុធក្នុងចំនួនដ៏ច្រើន ដោយបំផ្លាញអគារជាច្រើនដែលជាប់គាំង និង លុបបំបាត់គុកភេរវករនៅក្នុងការប្រយុទ្ធក្នុងត្រីមាសបិទ។

ប្រទេសអ៊ីស្រាអែលបាននឹងកំពុងបើកការវាយលុកទ្រង់ទ្រាយធំ ប្រឆាំងនឹងក្រុមហាម៉ាសនៅក្នុងតំបន់ ហ្គាហ្សា ស្ទ្រីប ដើម្បីសងសឹកប្រឆាំងនឹងការវាយលុករបស់ក្រុមហាម៉ាស់ ឆ្លងកាត់ព្រំដែនភាគខាងត្បូងអ៊ីស្រាអែលកាលពីថ្ងៃទី ៧ ខែតុលា ឆ្នាំ២០២៣ ក្នុងអំឡុងពេលដែលមនុស្សប្រហែល១,២០០នាក់ ត្រុវបានស្លាប់ និង ជាង២០០ នាក់ ត្រូវបានចាប់ធ្វើជាចំណាប់ខ្មាំង៕