ជនជាតិចិនបើករថយន្តស៊េរីទំនើប១គ្រឿង បុកគេមិនព្រមឈប់ចុះដោះសស្រាយ បែរជាព្យាយាមបើករថយន្តរត់គេចខ្លួន ត្រូវបានកម្លាំងសមត្ថកិច្ច រួមជាមួយនឹងប្រជាពលរដ្ឋចាប់ឃាត់ខ្លួនបាន

(ព័ត៌មានបឋម) នៅវេលាម៉ោង៨ជាងយប់ ថ្ងៃពុធ ៥កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃពុធ ទី១៤ ខែកុម្ភៈ ឆ្នាំ២០២៤ មានរថយន្ត Luxus GS300 ស៊េរីទំនើប១គ្រឿង ពណ៌ស ពាក់ស្លាកលេខ ភ្នំពេញ 2FA-1927 ជិះគ្នាចំនួន៤នាក់ ប្រុស២នាក់ ស្រី២នាក់ បើកបរដោយជនជាតិចិន បុកគេនៅម្ដុំវត្តបទុមវតីក្នុង សង្កាត់ចតុមុខ ខណ្ឌដូនពេញ រាជធានីភ្នំពេញ មិនព្រមឈប់ដោះស្រាយ បែរជាព្យាយាមបើករថយន្តរត់គេចខ្លួនទៅវិញ ហើយបន្តទៅបុកជាច្រើនកន្លែងទៀត រហូតមកដល់ត្រង់ចំណុចផ្លូវ២០០៤ ក្បែរស្តុបណតប្រ៊ីត សង្កាត់អូបែកក្អម ខណ្ឌសែនសុខ រាជធានីភ្នំពេញ រថយន្តនោះក៏ជ្រុលចង្កូតទៅបុកជាមួយនឹងបង្គោលភ្លើង បាក់អស់មួយដើម ទៅមុខលែងរួច បណ្តាលឲ្យខ្ទេចរថយន្ត ទើបកម្លាំងសមត្ថកិច្ចរួមជាមួយនឹងប្រជាពលរដ្ឋ ដែលជិះម៉ូតូរាប់សិបគ្រឿងដេញតាមក្រោយ ចាប់ឃាត់ខ្លួនអ្នកបើកបររថយន្តបង្កបាន។

សម្រាប់ព័ត៌មានលម្អិតទាក់ទងទៅនឹងគ្រោះថ្នាក់ចរាចរណ៍ខាងលើនេះ មិនទាន់ត្រូវបានដឹងនៅឡោះយទេ៕