កាលពីវេលាម៉ោង២:៤៥នាទីរសៀល ថ្ងៃចន្ទ ៩កើត ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃចន្ទ ទី១៨ ខែមីនា ឆ្នាំ២០២៤ កន្លងទៅនេះ កម្លាំងសមត្ថកិច្ចការិយាល័យប្រឆាំងគ្រឿងញៀន បានសហការជាកម្លាំងការិយាល័យអន្តរាគមន៍ និង កម្លាំងជំនាញផ្នែកគ្រឿងញៀននៃអធិការដ្ឋាននគរបាលស្រុកកែវសីមា កម្លាំងប៉ុស្តិ៍នគរបាលរដ្ឋបាលស្រែព្រះ ព្រមទាំង មានការសម្របសម្រួលនីតិវិធីពី លោក ស៊ាវ ងីឈាន់ ព្រះរាជអាជ្ញារង អមសាលាដំបូងខេត្តមណ្ឌលគិរី បានធ្វើការចុះបង្ក្រាបករណីជួញដូរ និង ប្រើប្រាស់នូវសារធាតុញៀនដោយខុសច្បាប់ ដែលមានទីតាំងស្ថិតនៅត្រង់ចំ
ណុចស្រែយ៉ាង ភូមិអូច្រា ឃុំស្រែព្រះ ស្រុកកែវសីមា ខេត្តមណ្ឌលគិរី។
ប្រតិបត្តការនេះធ្វើឡើងដោយអនុវត្តន៍តាមបទបញ្ជាយ៉ាងហ្មឺងម៉ាត់ពី លោកឧត្តមសេនីយ៍ទោ ឡោ សុខា ស្នងការនគរបាលខេត្ត ក្នុងការទប់ស្កាត់ និង បង្រ្កាបបទល្មើសគ្រឿងញៀន ក្នុងទូទាំងខេត្តមណ្ឌលគិរី។
នៅក្នុងប្រតិបត្តិការនេះ កម្លាំងសមត្ថកិច្ច បានចាប់ខ្លួនជនសង្ស័យ បានចំនួន៤នាក់៖ ទី១. ឈ្មោះ ភាព ភា ហៅ ម៉ប់ ភេទប្រុស អាយុ៣០ឆ្នាំ ជនជាតិខ្មែរ មុខរបរមិនពិតប្រាកដ មានស្រុកកំណើតនៅ ភូមិទួល ឃុំតំរិល ស្រុកអូររាំងឪ ខេត្តត្បូងឃ្មុំ ទីលំនៅបច្ចុប្បនៅ ភូមិប៉ោស្វាយ ឃុំក្រញូងសែនជ័យ ស្រុកស្នួល ខេត្តក្រចេះ ធ្វើតេស្តរកសារធាតុញៀនក្នុងទឹកនោម លទ្ធបានបង្ហាញថា វិជ្ជមាន (+), ទី២. ឈ្មោះ ចេក សេងលាង ហៅ លាង ភេទប្រុស អាយុ៣១ឆ្នាំ ជនជាតិខ្មែរ មុខរបរមិនពិតប្រាកដ មានស្រុកកំណើតនៅ ភូមិពាម ប្រធ្នោះ ឃុំពាមប្រធ្នោះ ស្រុកកោះសូទិន ខេត្តកំពង់ចាម ទីលំនៅបច្ចុប្បនៅ ភូមិប៉ោស្វាយ ឃុំក្រញូងសែនជ័យ ស្រុកស្នួល ខេត្តក្រចេះ ធ្វើតេស្តរកសារធាតុញៀនក្នុងទឹកនោម លទ្ធបានបង្ហាញថា វិជ្ជមាន (+), ទី៣. ឈ្មោះ លេះ ទូលោះ ហៅ លោះ ភេទប្រុស អាយុ៣៥ឆ្នាំ ជនជាតិខ្មែរ-ឥស្លាម មុខរបរមិនពិតប្រាកដ មានស្រុកកំណើតនៅ ស្រុកបឹងព្រួល ខេត្តកំពង់ចាម ទីលំនៅបច្ចុប្បនៅ ភូមិប៉ោស្វាយ ឃុំក្រញូងសែនជ័យ ស្រុកស្នួល ខេត្តក្រចេះ ធ្វើតេស្តរកសារធាតុញៀនក្នុងទឹកនោម លទ្ធបានបង្ហាញថា វិជ្ជមាន (+), ទី៤. ឈ្មោះ ធឿន ចាន់ធី ហៅ ធី ភេទប្រុស អាយុ៣២ឆ្នាំ ជនជាតិខ្មែរ មុខរបរមិនពិតប្រាកដ ទីលំនៅបច្ចុប្បនៅ ភូមិប៉ោស្វាយ ឃុំក្រញូងសែនជ័យ ស្រុកស្នួល ខេត្តក្រចេះ មានស្រុកកំណើតនៅ ភូមិ៣៦ ឃុំបឹងកេត ស្រុកស្ទឹងត្រង់ ខេត្តកំពង់ចាម ធ្វើតេស្តរកសារធាតុញៀនក្នុងទឹកនោម លទ្ធបានបង្ហាញថា វិជ្ជមាន (+)។
នៅក្នុងប្រតិបត្តិការនោះផងដែរ កម្លាំងសមត្ថកិច្ចបានដកហូតនូវវត្ថុតាងរួមមាន៖ ក្រាមពណ៌សថ្លាថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន១កញ្ចប់តូច ទម្ងន់ ០.១៨ក្រាម ថ្លឹងទាំងសំបក, ម៉ូតូម៉ាក Suzuki Smash ពណ៌ខ្មៅ ចំនួន១គ្រឿង, ទូរស័ព្ទដៃម៉ាក Oppo ពណ៌ទឹកមាសចំនួន១គ្រឿង, ទូរស័ព្ទដៃម៉ាក Oppo ពណ៌ក្រហមចំនួន១គ្រឿង, អាវុធកែច្នៃបាញ់គ្រាប់ពិដាងកង់ចំនួន១ដើម, ដាវចំនួន ០១ដើម និង ឧបករណ៍កែច្នៃសម្រាប់ជក់គ្រឿងញៀនមួយចំនួន។
បច្ចុប្បន្នជនសង្ស័យទាំង៤នាក់ខាងលើនេះ កំពុងត្រូវបានកម្លាំងការិយាល័យប្រឆាំងគ្រឿងញៀន និង កម្លាំងអធិការនគរបាលស្រុកកែវសីមា កសាងសំណុំរឿង បញ្ជូនជនទៅកាន់តុលាការ ចាត់ការបន្តតាមនីតិវិធីច្បាប់៕
