ទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេសរបស់នាយកដ្ឋាននគរបាលចរាចរណ៍ និង សណ្តាប់សាធារណៈនៃអគ្គស្នងការដ្ឋាននគរបាលជាតិសម្រាប់ ថ្ងៃព្រហស្បតិ៍ ទី០៤ ខែមេសា ឆ្នាំ២០២៤

យោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេសសម្រាប់ ថ្ងៃព្រហស្បតិ៍ ១១រោច ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃព្រហស្បតិ៍ ទី០៤ ខែមេសា ឆ្នាំ២០២៤ ដែលចេញដោយនាយកដ្ឋាននគរបាលចរាចរណ៍ និង សណ្តាប់សាធារណៈនៃអគ្គស្នងការដ្ឋាននគរបាលជាតិ បានឲ្យដឹងថា បានកើតឡើងចំនួន៧លើក (យប់៥លើក) បណ្តាលឲ្យមនុស្សស្លាប់ចំនួន៤នាក់ (ស្រី១នាក់), រងរបួសសរុបចំនួន៩នាក់ (ស្រី២នាក់), រងរបួសធ្ងន់ចំនួន៤នាក់ (ស្រី១នាក់), រងរបួសស្រាលចំនួន៥នាក់ (ស្រី១នាក់) និង មិនពាក់មួកសុវត្ថិភាពចំនួន៥នាក់ (យប់៣នាក់)។

នៅក្នុងរបាយការណ៍ដដែលបានឲ្យដឹងបន្ថែមទៀតថា មូលហេតុដែលបង្កឲ្យមានគ្រោះថ្នាក់រួមមាន៖ ល្មើសល្បឿនចំនួន៤លើក (ស្លាប់២នាក់, ធ្ងន់២នាក់, ស្រាល៣នាក់), មិនគោរពសិទ្ធិចំនួន២លើក (ស្លាប់២នាក់, ធ្ងន់០នាក់, ស្រាល២នាក់) និង មិនប្រកាន់ស្តាំចំនួន១លើក (ស្លាប់០នាក់, ធ្ងន់២នាក់, ស្រាល០នាក់)៕