កាលពីវេលាម៉ោង១:៣០នាទីរសៀល ថ្ងៃពុធ ១១រោច ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃពុធ ទី០៦ ខែមីនា ឆ្នាំ២០២៤ កន្លងទៅនេះ កម្លាំងជំនាញការិយាល័យនគរបាលព្រហ្មទណ្ឌកម្រិតស្រាល នៃស្នងការដ្ឋាននគរបាលខេត្តត្បូងឃ្មុំ បានស្រាវជ្រាវ និង បង្ក្រាបទីតាំងលួចលេងល្បែងស៊ីសងខុសច្បាប់ (ជល់មាន់) មួយកន្លែង ដោយបានធ្វើការឃាត់ខ្លួនមនុស្ស បានចំនួន៥នាក់ រួមទាំងវត្ថុតាងមាន់ងាប់ចំនួន៣ក្បាល និង សម្ភារៈមួយចំនួនទៀត ដែលមានទីតាំងស្ថិតនៅក្នុង ចំការកៅស៊ូទុកចោលមួយកន្លែង ភូមិថ្មដាប់ ឃុំរំចេក ស្រុកមេមត់ ខេត្តត្បូងឃ្មុំ។
មនុស្សទាំង៥នាក់ រួមទាំងវត្ថុតាងខាងលើនេះ ត្រូវបានសមត្ថកិច្ចបញ្ជូនទៅកាន់ស្នងការដ្ឋាននគរបាលខេត្តត្បូងឃ្មុំ ដើម្បីកសាងសំណុំរឿង អនុវត្តតាមនីតិវិធីច្បាប់៕