ប្រធានាធិបតីរុស្ស៊ី លោក វ្ល៉ាឌីមៀ ពូទីន កាលពីថ្ងៃចន្ទ បានចុះហត្ថលេខាលើសេចក្តីពង្រាងច្បាប់មួយ ឲ្យចូលទៅជាច្បាប់ ដែលហាមប្រាមអ្នកផ្សាយពាណិជ្ជកម្ម មិនឱ្យធ្វើការជាមួយ “ភ្នាក់ងារបរទេស”។
ស្ថិតនៅក្រោមច្បាប់ថ្មីនេះ អាជីវកម្មទាំងឡាយមិនអាចផ្សាយពាណិជ្ជកម្មពីផលិតផល និង សេវាកម្មរបស់ពួកគេជាមួយបុគ្គល និង អង្គភាព ដែលក្រសួងយុត្តិធម៌បានដាក់ថា ជា “ភ្នាក់ងារបរទេស” នោះទេ។
អ្នកល្មើសនឹងច្បាប់នេះ អាចនឹងប្រឈមមុខការផាកពិន័យ ឬ ទោសព្រហ្មទណ្ឌ។
ច្បាប់នេះធ្វើឱ្យភ្នាក់ងារបរទេស មិនអាចរកប្រាក់ពីការផ្សាយពាណិជ្ជកម្មនេះបានទេ។ ការផ្សព្វផ្សាយព័ត៌មានអំពីភ្នាក់ងារបរទេសតាមប្រព័ន្ធផ្សព្វផ្សាយ និង អ៊ីនធឺណិតត្រូវបានរឹតបន្តងជាខ្លាំង។
វិមានក្រឹមឡាំងបាននឹងកំពុងបង្កើនកិច្ចខិតខំប្រឹងប្រែងរបស់ខ្លួនក្នុងការរឹតរឹតបន្តឹងការនិយាយដោយសេរី ដោយដាក់អ្នករិះគន់រដ្ឋបាល លោក ពូទីន ថា ជាភ្នាក់ងារបរទេស។
ទន្ទឹមនឹងនេះ ទីភ្នាក់ងារសារព័ត៌មានរស្ស៊ី Tass និយាយថា អាជ្ញាធររុស្ស៊ីបានឃុំខ្លួនបុរសជនជាតិកូរ៉េខាងត្បូងម្នាក់ពីបទសង្ស័យថា បានធ្វើចារកម្មកាលពីដើមឆ្នាំនេះនៅក្នុងទីក្រុង Far Eastern នៃទីក្រុង Vladivostok ហើយបានបញ្ជូនជនសង្ស័យនោះទៅកាន់ទីក្រុងម៉ូស្គូ ដើម្បីធ្វើការស៊ើបអង្កេតបន្ថែម។
តុលាការនៅទីក្រុងមូស្គូបានសម្រេចឃុំខ្លួនជនសង្ស័យរយៈពេលបន្តរហូតដល់ពាក់កណ្តាលខែមិថុនាខាងមុខនេះ។
រដ្ឋាភិបាលរុស្ស៊ីបានបញ្ចូលប្រទេសកូរ៉េខាងត្បូង និង ជប៉ុនទៅក្នុងបញ្ជីប្រទេសមិនមិនមែនជាមិត្ត ដែលដាក់ទណ្ឌកម្មប្រឆាំងនឹងប្រទេសរុស្ស៊ី៕
ប្រភព៖ NHK, ថ្ងៃអង្គារ ទី១២ ខែមីនា ឆ្នាំ២០២៤