មេដឹកនាំអាហ្រ្វិករូបនេះ បានប្រកាសកាលពីខែមុនថា លោកបានចាប់ផ្តើមព្យាបាលជំងឺមហារីក។
ខុទ្ធកាល័យរបស់លោកបាននិយាយថា ប្រធានាធិបតីណាមីប៊ី លោក Hage Geingob បានទទួលមរណភាពក្នុងអាយុ ៨២ឆ្នាំ ពោលគឺមិនដល់បីសប្តាហ៍បន្ទាប់ពីមានការប្រកាសថា លោកនឹងទទួលការព្យាបាលជំងឺមហារីក។
ប្រធានាធិបតីស្តីទី លោក Nangolo Mbumba បាននិយាយនៅក្នុងសេចក្តីថ្លែងការណ៍មួយ ដែលបានបង្ហោះនៅលើទំព័រ ហ្វេសប៊ុកផ្លូវការរបស់ លោក Geingob ថា លោក Geingob បានទទួលមរណភាពនៅថ្ងៃអាទិត្យនេះ នៅមន្ទីរពេទ្យ Lady Pohamba ក្នុងរដ្ឋធានី Windhoek ដោយមានវត្តមានប្រពន្ធ និងកូនៗរបស់លោកនៅក្បែរលោកនៅក្នុងមន្ទីពេទ្យនោះផងដែរ៕
ប្រភព៖ AL JAZEERA, ថ្ងៃអាទិត្យ ទី០៤ ខែកុម្ភៈ ឆ្នាំ២០២៤
