យ៉ាងហោចណាស់មនុស្សប្រុសស្រីចំនួន៤នាក់ង រងរបួសធ្ងន់ស្រាលក្នុងគ្រោះថ្នាក់ចរាចរណ៍ក្រឡាប់រថយន្តនៅស្រុករលាប្អៀរ

កាលពី ថ្ងៃអង្គារ ៤កើត ខែមាឃ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃអង្គារ ទី១៣ ខែកុម្ភៈ ឆ្នាំ២០២៤ មានរថយន្ត១គ្រឿងម៉ាក Toyota Highlander ពណ៌ទឹកប្រាក់ ពាក់ផ្លាកលេខ បាត់ដំបង 2C-0284 បើកបរដោយ ឈ្មោះ ជុំ ស៊ីណាន ភេទប្រុស អាយុ៣៥ឆ្នាំ រស់នៅភូមិខ្នាចរមាស ឃុំបឹងខ្នារ ស្រុកបាកាន ខេត្តពោធិ៍សាត់ ក្នុងទិសដៅពីទិសខាងជើងទៅទិសខាងត្បូង បានរេចង្កូតរថយន្ត ធ្លាក់ចូលទៅក្នុងប្រឡាយមួយកន្លែង ក្រឡាប់ផ្ងារជើងឡើងលើទល់មេឃច្រង៉ាងៗ បានបណ្ដាលឲ្យអ្នកបើកបររថយន្ត រួមទាំងអ្នករួមដំណើរស្រី៣នាក់ទៀត រងរបួសធ្ងន់ស្រាល ចំណែកឯរថយន្តរងការខូចខាត ដែលមានទីតាំងស្ថិតនៅ ភូមិត្រពាំងអំពិល ឃុំប្រស្នឹប ស្រុករលាប្អៀរ ខេត្តកំពង់ឆ្នាំង។

ក្រោយពេលកើតហេតុ អ្នករងរបួសទាំង៤នាក់ខាងលើនេះ ត្រូវបានបញ្ជូនទៅកាន់មន្ទីរពេទ្យ ដើម្បីជួយសង្រោះ សម្រាប់ព័ត៌មានល្អិតទាក់ទងទៅនឹងគ្រោះថ្នាក់ចរាចរណ៍ខាងលើនេះ មិនទាន់ត្រូវបានដឹងនៅឡើយទេ៕