ថ្លែងទៅកាន់សមាជិកសហគមន៍ជ្វីហ្វនៃរុស្ស៊ី លោកប្រធានាធិបតី វ្លាឌីមៀ ពូទីន បាននិយាយថា ទីក្រុងមូស្គូបានទទួល “លទ្ធផលជាក់លាក់” នៅក្នុងកិច្ចខិតខំប្រឹងប្រែងការទូតរបស់ខ្លួន ដើម្បីទទួលបាននូវការដោះលែងអ្នកចាប់ឃុំខ្លួនដោយក្រុមហាម៉ាសនៅហ្គាហ្សា។
ទីភ្នាក់ងារសារព័ត៌មានរុស្ស៊ីរាយការណ៍ថា លោក ពូទីន បានប្រាប់ លោក Berel Laza ដែលជាមេដឹកនាំសហគមន៍ជ្វីហ្វ និង ប្រធានសហព័ន្ធសហគមន៍ជ្វីហ្វ និង លោក Alexander Boroda ថា ទីក្រុងមូស្គូបានឈានទៅមុខ ដោយប្រើប្រាស់ទំនាក់ទំនងរបស់ខ្លួននៅក្នងក្រុមនយោបាយរបស់ក្រុមហាម៉ាស់។
លោកត្រូវបានគេដកស្រង់សម្តីដោយនិយាយថា “ប្រទេសរុស្ស៊ីកំពុងធ្វើគ្រប់យ៉ាង ដើម្បីជួយមនុស្សដែលជាចំណាប់ខ្មាំង”។
លោក ពូទីន បាននិយាយដោយមិនបានបញ្ជាក់បន្ថែមថា៖ ”ដូចដែលគេដឹងហើយថា ក្រសួងការបរទេសរបស់យើង បានធ្វើការតាមរយៈក្រុមនយោបាយរបស់ក្រុមហាម៉ាស ហើយសរុបមកមានលទ្ធផលជាក់លាក់”។
ប្រទេសរុស្ស៊ីកាលពីមុនបានរិះគន់សកម្មភាពរបស់យោធាអ៊ីស្រាអែលនៅក្នុងតំបន់ហ្គាហ្សា និង បាននិយាយពីការគាំទ្ររបស់ខ្លួនចំពោះភាពរដ្ឋប៉ាឡេស្ទីន៕
ប្រភព៖ AL JAZEERA, ថ្ងៃព្រហស្បតិ៍ ទី០៨ ខែកុម្ភៈ ឆ្នាំ២០២៤
