សង្ស័យចំនួន២នាក់ ត្រូវបានសមត្ថកិច្ចឃាត់ខ្លួនបានក្នុងករណីជួញដូរដោយខុសច្បាប់នូវសារធាតុញៀននៅ សង្កាត់ទួលសង្កែ១ ខណ្ឌឫស្សីកែវ

កាលពីយប់ថ្ងៃពុធ ១០រោច ខែផល្គុន ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃពុធ ទី០៣ ខែមេសា ឆ្នាំ២០២៤ ម្សិលមិញនេះ សមត្ថកិច្ចបានចុះធ្វើប្រតិបត្តិការបង្ក្រាបករណីជួញដូរដោយខុសច្បាប់នូវសារធាតុញៀន បានចំនួន១ករណី ដែលមានទីតាំងស្ថិតនៅ ក្រុមទី៤ ភូមិទួលសំពៅ សង្កាត់ទួលសង្កែ១ ខណ្ឌឫស្សីកែវ រាជធានីភ្នំពេញ។

នៅក្នុងប្រតិបត្តិការនេះ សមត្ថកិច្ចបានឃាត់ខ្លួនជនសង្ស័យ បានចំនួន២នាក់ ទី១. ឈ្មោះ ទូច សុភ័ណ្ឌ អាយុ៤២ឆ្នាំ មានទីលំនៅ ក្រុមទី៤ ភូមិទួលសំពៅ សង្កាត់ ទួលសង្កែទី១ ខណ្ឌឫស្សីកែវ រាជធានីភ្នំពេញ និង ទី២. ឈ្មោះ ទូច ណារាជ អាយុ៣១ឆ្នាំ មុខរបរមិនពិតប្រាកដ មានទីលំនៅក្រុម៤ ភូមិទួលសំពៅ សងា្កត់ទួលសងែ្ក១ ខណ្ឌឫស្សីកែវ រាជធានីភ្នំពេញ។

នៅក្នុងប្រតិបត្តិការនេះផងដែរ សមត្ថកិច្ចបានដកហូតនូវវត្ថតាង ម្ស៉ៅក្រាមពណ៌សថ្លាសង្ស័យជាសារធាតុញៀនចំនួន៧កញ្ចប់, ម៉ូតូម៉ាក គុបជ្រុង ពណ៌ខៀវ ពាក់ស្លាកលេខ ភំ្នពេញ 1F-9166 ចំនួន១គ្រឿង, ទូរស័ព្ទដៃម៉ាក ViVO ចំនួន១គ្រឿង និង ថង់សម្រាប់វេចខ្ចប់មួយចំនួន។

ជនសង្ស័យទាំង២នាក់ ព្រមទាំងវត្ថុតាងខាងលើ កំពុងត្រូវបានឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌឫស្សីកែវ ដើម្បីកសាងសំណុំរឿង បញ្ចូនទៅកាន់សាលាដំបូងរាជធានីភ្នំពេញ ចាត់ការបន្តតាមនីតិវិធីច្បាប់៕