ព័ត៌មានជាតិ

ស្នងការនគរបាលខេត្តកំពត ប្រកាសឲ្យម្ចាស់រថយន្ដ Ford ពាក់ផ្លាកលេខ «កម្ពុជា-MENGPECH» ចូលខ្លួនដោះស្រាយតាមច្បាប់ ក្រោយបុកមនុស្សស្លាប់២នាក់ នៅស្រុកដងទង

(កំពត)៖ លោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត នៅរសៀលថ្ងៃទី៣០ ខែមករា ឆ្នាំ២០២៤នេះ បានជូនដំណឹងជាសាធារណៈដល់ម្ចាស់រថយន្ដ Ford មួយគ្រឿង ពណ៌ស ពាក់ផ្លាកលេខ កម្ពុជា-MENGPECH ដើម្បីចូលខ្លួនមកដោះស្រាយតាមផ្លូវច្បាប់ ក្រោយបង្កគ្រោះថ្នាក់ចរាចរណ៍ បណ្ដាលឲ្យជនរងគ្រោះ២នាក់ស្លាប់ នៅស្រុកដងទង កាលពីថ្ងៃទី២៨ ខែមករា ឆ្នាំ២០២៤កន្លងទៅ ហើយរត់គេចខ្លួនបាត់។

ថ្លែងប្រាប់បណ្ដាញព័ត៌មាន Fresh News លោកឧត្តមសេនីយ៍ទោ ម៉ៅ ច័ន្ទមធុរិទ្ធ បានបញ្ជាក់ថា ម្ចាស់រថយន្ដបង្ករូបនេះ បើយោងតាមឯកសារឲ្យបានដឹងថា ឈ្មោះ ផល្លា ស៉ីម៉េង រស់នៅភូមិ៤ សង្កាត់ស្វាយរលំ ក្រុងតាខ្មៅ ខេត្តកណ្ដាល។ លោកបានកំណត់ឲ្យម្ចាស់រថយន្ដបង្កនេះ ត្រូវចូលខ្លួនមកដោះស្រាយតាមផ្លូវច្បាប់ នៅស្នងការដ្ឋាននគរបាលខេត្តកំពត នៅថ្ងៃទី០១ ខែមករា ឆ្នាំ២០២៤៕

អត្ថបទពាក់ព័ន្ធ

Back to top button