រដ្ឋមន្ត្រីការពារជាតិ លោក Yoav Gallant បាននិយាយកាលពីថ្ងៃព្រហស្បតិ៍ថា កងកម្លាំងអ៊ីស្រាអែលបានរុះរើកងពលតូចហាម៉ាស់ នៅភាគខាងត្បូងទីក្រុង Khan Younis ក្នុងតំបន់ហ្គាហ្សា ជាផ្នែកនៃសង្គ្រាមជិតបួនខែមកនេះ ដែលក្នុងនោះយុទ្ធជនប៉ាឡេស្ទីន ១០,០០០នាក់ត្រូវបានសម្លាប់ និងចំនួនដូចគ្នាបានរងរបួស។
ដំណឹងនេះបានកើតឡើងចំពេលដែលមេដឹកនាំក្រុមហាម៉ាស់ លោក Ismail Haniyeh ត្រូវបានគេរំពឹងថា នឹងនៅក្នុងទីក្រុងគែរនៃប្រទេសអេហ្ស៊ីប ដើម្បីពិភាក្សាស្តីពីការផ្អាកសង្គ្រាមនៅក្នុងតំបន់ហ្គាហ្សា ដែលត្រូវបានស្នើឡើង ខណៈដែលអ៊ីស្រាអែលនៅតែបន្តការវាយប្រហាររបស់ខ្លួននៅក្នុងទឹកដីប៉ាឡេស្ទីន៕
ប្រភព៖ FRANCE 24, ថ្ងៃព្រហស្បតិ៍ ខែមករា ឆ្នាំ២០២៤
