គ្រោះថ្នាក់ចរាចរណ៍ រវាងរថយន្ត បុកម៉ូតូ បណ្តាលឲ្យបុរសម្នាក់ ស្លាប់និងកុមារីអាយុ៥ឆ្នាំរបួសធ្ងន់

ព្រះសីហនុ៖ មន្ត្រីអាវុធហត្ថ បញ្ជាក់ថា កាលពី ថ្ងៃទី២០ ខែតុលា ឆ្នាំ២០២៤ មាន ករណីគ្រោះថ្នាក់ចរាចរណ៍មួយ កើតឡើង រវាងរថយន្ត បុកប៉ះនឹងម៉ូតូ ក្នុងទិសដៅបញ្រ្ចាសគ្នា នៅចំណុចគីឡូម៉ែត្រលេខ: ១២៨-១២៩ ស្ថិតក្នុងភូមិវាល ឃុំកំពង់សីលា ស្រុកកំពង់សីលា ខេត្តព្រះសីហនុ។

ហេតុការណ៍គ្រោះថ្នាក់នេះ បណ្តាលឱ្យអ្នកបេីកបរម៉ូតូ ម្នាក់ ភេទប្រុស បានស្លាប់នៅហ្នឹងកន្លែងកើតហេតុ និងក្មេងស្រី អាយុ ០៥ឆ្នាំ រងរបួសធ្ងន់ ត្រូវបានកម្លាំងមូលដ្ឋានកងរាជអាវុធហត្ថស្រុកកំពង់សីលា ជួយសង្គ្រោះដឹកបញ្ជូនមកព្យាបាលភ្លាមៗនៅមណ្ឌលសុខភាពកត្តវិទស្រុកកំពង់សីលា។ កម្លាំងមូលដ្ឋានកងរាជអាវុធហត្ថស្រុកកំពង់សីលា សហការជាមួយកម្លាំងនៃអធិការដ្ឋាននគរបាលស្រុកកំពង់សីលា ចុះគោលដៅការពារទីតាំងកេីតហេតុ និងជួយសម្រួលចរាចរណ៍បញ្ជៀសការកកស្ទះលើដងផ្លូវ៕