ពានរង្វាន់ជើងឯកទ្វីបអឺរ៉ុប ឬ Euro 2024 ដែលប្រទេសអាល្លឺម៉ង់ ទទួលរៀបចំធ្វើជាម្ចាស់ផ្ទះ បានឈានដល់វគ្គ១៦ក្រុមចុងក្រោយហើយ ដោយរាត្រីថ្ងៃ ចន្ទ ទី០១ ខែកក្កដា ឆ្នាំ២០២៤នេះ មានការប្រកួតចំនួន២គូ។
ការប្រកួតវគ្គ១៦ក្រុមចុងក្រោយរាត្រីនេះ វេលាម៉ោង ១១៖០០នាទីយប់ ជាការប៉ះគ្នារវាង ម្ចាស់ជើងឯក World Cup 2018 គឺក្រុមមាន់គោកបារាំង ប៉ះជាមួយក្រុមបិសាចក្រហមបែលហ្សិក ខណៈ ម្ចាស់ជើងឯក Euro 2016 បច្ចខែលព័រទុយហ្គាល់ ត្រូវប៉ះជាមួយក្រុមស្លូវេនី ម៉ោង ២:០០រំលងអធ្រាត្រ។
លទ្ធផលវគ្គ១៦ក្រុមចុងក្រោយកាលពីយប់មិញ៖
-អង់គ្លេស ២-១ ស្លូវ៉ាគី
-អេស្ប៉ាញ ៤-១ ហ្សកហ្ស៊ី។
គួរបញ្ជាក់ថា គិតមកទល់ពេលនេះ គេបានរកឃើញ៤ក្រុមហើយឡើងទៅវគ្គ៨ក្រុមចុងក្រោយរួមមាន ម្ចាស់ផ្ទះអាល្លឺម៉ង់ ស្វីស អង់គ្លេស និងអេស្ប៉ាញ។ក្រុមជម្រើសជាតិអាល្លឺម៉ង់ និងក្រុមអេស្ប៉ាញ ឈ្នះពាននេះបាន ៣លើកស្មើគ្នា ខណៈក្រុមការពារតំណែងជើងឯកគឺក្រុមជម្រើសជាតិអ៊ីតាលី៕
