យកខ្សែអង្រឹងរឹត ក ម្ចាស់PassAppកំពុងបើក ដើម្បីប្លន់យកទ្រព្យសម្បត្តិ តែមិនបានសម្រេច

ខេត្តកណ្ដាល៖ ជនសង្ស័យម្នាក់ បន្លំខ្លួនជិះPassApp លុះជិះដល់ទីស្ងាត់ ក៏យកខ្សែអង្រឹងរឹតកម្ចាស់PassApp ដើម្បីយកទ្រព្យសម្បត្តិ តែមិនបានសម្រេច ត្រូវបានប្រជាពលរដ្ឋព័ទ្ធចាប់ប្រគល់ឲ្យសមត្ថកិច្ចចាត់ការ។

ករណី លួចមានស្ថានទម្ងន់ទោសនេះ បានកើតឡើង ថ្ងៃទី២៤ ខែ កញ្ញា ឆ្នាំ២០២៤ ចំណុចភូមិព្រះពុទ្ធ ឃុំព្រះពុទ្ធ ស្រុកកណ្ដាលស្ទឹង ខេត្តកណ្ដាល។

ជនរងគ្រោះឈ្មោះ សាន់ សុម៉ាច ភេទប្រុស អាយុ៤១ឆ្នាំ ជនជាតិខ្មែរ រស់នៅភូមិរំចេក សង្កាត់ចោមចៅទី០១ ខណ្ឌពោធិ៍សែនជ័យ រាជធានីភ្នំពេញ (មុខរបរ រត់ផាស់ស្អាប់) ។ ចំណែកជនសង្ស័យឈ្មោះ ជរ នរ៉ា ភេទប្រុស អាយុ២៩ឆ្នាំ ជនជាតិខ្មែរ បច្ចុប្បន្នរស់នៅ ភូមិថ្មគោល សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ (មុខរបរ មិនពិតប្រាកដ)(ឃាត់ខ្លួន) ។វត្ថុតាងចាប់យករួមមាន ៖ ទូរស័ព្ទដៃចំនួន០២គ្រឿង ,លុយដុល្លារក្រដាសប្រាក់១០០$ ចំនួន៣៣សន្លឹក (លុយសែន),លុយខ្មែរមានចំនួន(៤២.១០០រៀល) និងឯកសារពាក់ព័ន្ធមួយចំនួនទៀតផងដែរ។
ជនសង្ស័យត្រូវបាន សមត្ថកិច្ចបញ្ជូនមកកាន់អធិការដ្ឋាននគរបាលស្រុកកណ្ដាលស្ទឹងដេីម្បីកសាងសំណុំរឿងតាមនីតិវិធីច្បាប់ ៕