រដ្ឋមន្ត្រីការបរទេសអាមេរិកគ្រោងនឹងធ្វើដំណើរទៅកាន់ប្រទេសអារ៉ាប៊ីសាអូឌីត ខណៈដែលលោកចាប់ផ្តើមដំណើរទស្សនកិច្ចលើកទីប្រាំរបស់លោក ទៅកាន់តំបន់មជ្ឈិមបូព៌ាចាប់តាំងពីសង្គ្រាមរបស់អ៊ីស្រាអែលលើតំបន់ហ្គាហ្សាបានចាប់ផ្តើមនៅក្នុងខែតុលា។
អ្នកនាំពាក្យក្រសួងការបរទេស លោក Matthew Miller បាននិយាយនៅក្នុងសេចក្តីថ្លែងការណ៍មួយមុនការធ្វើដំណើរថា លោក Antony Blinken និងផ្តោតទៅលើ “កិច្ចខិតខំប្រឹងប្រែងការទូត ដើម្បីសម្រេចបាននូវកិច្ចព្រមព្រៀង ដែលធានាដល់ការដោះលែងចំណាប់ខ្មាំង ដែលនៅសេសសល់ទាំងអស់ និងរួមបញ្ចូលទាំងការផ្អាកមនុស្សធម៌” នៅក្នុងតំបន់ហ្គាហ្សា។
សេចក្តីថ្លែងការណ៍នោះបានបន្ថែមថា ការផ្អាកមនុស្សធម៌នឹង “អនុញ្ញាតឱ្យមាននិរន្តរភាព និង បង្កើនការផ្តល់ជំនួយមនុស្សធម៌ដល់ជនស៊ីវិលនៅក្នុងតំបន់ហ្គាហ្សា”។
លោក Antony Blinken ក៏នឹងធ្វើដំណើរទៅកាន់ប្រទេសអេហ្ស៊ីប កាតា អ៊ីស្រាអែល និងតំបន់ West Bank ដែលស្ថិតក្រោមការគ្រប់គ្រងរបស់អ៊ីស្រាអែល។
ប្រភព៖ AL JAZEERA, ថ្ងៃចន្ទ ទី០៥ ខែកុម្ភៈ ឆ្នាំ២០២៤
