ស្លាប់៤ របួសធ្ងន់ស្រាល៣ ក្នុងគ្រោះថ្នាក់ចរាចរណ៍បុករះដ៏រន្ធត់ 

(ព័ត៌មានបឋម)៖ មនុស្ស ៤នាក់ បានស្លាប់ និង រងរបួសធ្ងន់ស្រាល ៣នាក់ ក្នុងហេតុការណ៍គ្រោះថ្នាក់ចរាចរណ៍បុករះដ៏រន្ធត់ កាលពីវេលាម៉ោង ១៨និង៥៥នាទី ថ្ងៃទី២០ ខែមករា ឆ្នាំ២០២៤ ចំណុចក្រោមស្ពានអាកាសឬស្សីកែវ តាមបណ្តោយផ្លូវជាតិលេខ៥ សង្កាត់ឬស្សីកែវ ខណ្ឌឬស្សីកែវ រាជធានីភ្នំពេញ។

ករណីគ្រោះថ្នាក់ចរាចរណ៍ដ៏រន្ធត់នេះ បង្កដោយរថយន្តម៉ាក Ford Ranger ពណ៌ស ពាក់ស្លាកលេខ ភ្នំពេញ 2AZ-5854 បើកបរក្នុងល្បឿនយ៉ាងលឿន ចុះពីស្ពានឆ្លងកាត់ទន្លេនៅឬស្សីកែវ បានបុករះម៉ូតូ ជាច្រើនគ្រឿង និង រថយន្តចំនួន ២គ្រឿង មានរថយន្ត Lexus Nx200t និង រថយន្ត តូយ៉ូតា Vitz ពណ៌ស ពាក់ស្លាកលែខ ភ្នំពេញ 2BB-4208 ។