(បាល់ទាត់)៖ ប្រធានក្រុមជម្រើសជាតិបែលហ្សិក កីឡាករ Kevin De Bruyne បាននិយាយកាលពីថ្ងៃអង្គារ ទី៤ ខែមិថុនា ថា មិនមានអ្នកណាគិតថាបែលហ្ស៊ិក ឈ្នះជើងឯកអឺរ៉ុបនៅប្រទេសអាឡឺម៉ង់នោះទេ ប៉ុន្តែមិនមានក្រុមច្រើនទេ ដែលចង់ប្រកួតជាមួយយើង។
De Bruyne បានប្រាប់សន្និសីទសារព័ត៌មានថា ៖«ខ្ញុំមិនគិតថា ពួកយើងជាក្រុមដែលពួកគេគិតថាអាចឈ្នះពាននោះទេ នៅ Euro ឆ្នាំនេះ ប៉ុន្តែខ្ញុំគិតថាមិនមានក្រុមច្រើននោះទេ ដែលចង់លេងទល់នឹងយើង »។
គួរបញ្ជាក់ថា នៅ Euro 2024នេះ បែលហ្ស៊ិក ស្ថិតក្នុងពូល E ជាមួយ រូម៉ានី ស្លូវ៉ាគី និងអ៊ុយក្រែន។ បែលហ្ស៊ិក ត្រូវលេងប្រកួតបើកឆាកជាមួយ ស្លូវ៉ាគី នៅថ្ងៃទី១៧ ខែមិថុនា បន្ទាប់មកប៉ះ រូម៉ានី នៅថ្ងៃទី២៣ ខែមិថុនា និងប៉ះ អ៊ុយក្រែន នៅថ្ងៃទី២៦ ខែមិថុនា៕
