មនុស្សរាប់ពាន់នាក់ចូលរួមក្នុងបាតុកម្មគាំទ្រប៉ាឡេស្ទីននៅទូទាំងពិភពលោក

មនុស្សរាប់ពាន់នាក់បានដើរតាមដងផ្លូវជុំវិញពិភពលោក ដើម្បីតវ៉ាប្រឆាំងនឹងសង្រ្គាមនៅក្នុងតំបន់ហ្គាហ្សា ខណៈដែលអ៊ីស្រាអែលសន្យាថា នឹងបន្តការវាយលុករបស់ខ្លួននៅក្នុងទីក្រុង Rafah ក្នុងតំបន់ហ្គាហ្សាភាគខាងត្បូង។

ដោយ​គ្រវី​ទង់ជាតិ និង ​បដា​គាំទ្រ​ប៉ាឡេស្ទីន មនុស្ស​រាប់​ពាន់​នាក់​បាន​ដើរ​កាត់​តាមដង​ផ្លូវ​នៅក្នុង​ទីក្រុងម៉ាឌ្រីដនៃប្រទេស​អេស្ប៉ាញ ដើម្បី​ទាមទារ​ឲ្យ​មាន​បទ​ឈប់​បាញ់​ជា​បន្ទាន់​នៅ​តំបន់ហ្គាហ្សា។

មនុស្សជាច្រើនពាក្យដោយសរសេរថា “សន្តិភាពសម្រាប់ប៉ាឡេស្ទីន” និង “កុំព្រងើយកន្តើយនឹងការរងទុក្ខរបស់ប៉ាឡេស្ទីន”។

យ៉ាងហោចណាស់រដ្ឋមន្ត្រី៦រូបមកពីគណៈរដ្ឋមន្ត្រីនាយករដ្ឋមន្ត្រី លោក Pedro Sanchez ក៏បានចូលរួមក្នុងបាតុកម្មនេះផងដែរ ៥នាក់មកពីគណបក្ស Sumar ឆ្វេងនិយម ដៃគូចម្រុះវ័យក្មេងរបស់លោក ក៏ដូចជារដ្ឋមន្ត្រីដឹកជញ្ជូន លោក Oscar Puente នៃគណបក្សសង្គមនិយមរបស់នាយករដ្ឋមន្ត្រីផងដែរ។

លោក Puente បានប្រាប់អ្នកយកព័ត៌មាននៅពេលចាប់ផ្តើមការហែក្បួនថា “យើងត្រូវការបទឈប់បាញ់ជាបន្ទាន់ ការបញ្ចប់ការសម្លាប់ និង ការវាយប្រហារប្រឆាំងនឹងជនស្លូតត្រង់ យើងត្រូវសម្រេចបាននូវការដោះលែងចំណាប់ខ្មាំងទាំងអស់”។

នៅក្នុងទីក្រុឡុងដ៍របស់ចក្រភពអង់គ្លេស មនុស្សប្រមាណ២៥០,០០០នាក់ បានចូលរួមក្នុងការតវ៉ាទាមទារឲ្យមានបទឈប់បាញ់នៅក្នុងតំបន់ហ្គាហ្សា នេះបើយោងតាមអង្កការយុទ្ធនាការសាមគ្គីភាពប៉ាឡេស្ទីន។

ការតវ៉ាដែលគាំទ្រប៉ាឡេស្ទីនក៏បានកើតឡើងនៅក្នុងប្រទេសស៊ុយអែត និង ប្រទេសដទៃទៀត ដែលប្រជាជនបានទាមទារឱ្យអ៊ីស្រាអែលបញ្ឈប់ការវាយលុករបស់ខ្លួនទៅលើទីក្រុង Rafah ហើយបានអំពាវនាវឱ្យមានបទឈប់បាញ់៕

ប្រភព៖ AL JAZEERA, ថ្ងៃសៅរ៍ ទី១៧ ខែកុម្ភៈ ឆ្នាំ២០២៤