ក្រុមជម្រើសជាតិអាហង្ស់ទីន ក្រោមការដឹកនាំរបស់លោក Lionel Scaloni បានឡើងដល់វគ្គផ្តាច់ព្រ័ត្រ ពានរង្វាន់ Copa America បន្ទាប់ពីបានយកឈ្នះ ក្រុមជម្រើសជាតិកាណាដា នៅក្នុងវគ្គពាក់កណ្តាលផ្តាច់ព្រ័ត្រ ក្នុងលទ្ធផល ២-០ ក្រោមក្រសែភ្នែកអ្នកទស្សនាផ្ទាល់ជាង៨ម៉ីននាក់។
គ្រាប់បាល់ជ័យជំនះទាំងពីរគ្រាប់របស់អាហង្ស់ទីន ររកបានដោយខ្សែប្រយុទ្ធរបស់ក្រុមមេឃខៀវ Man City កីឡាករ Julian Alvarez នៅនាទី២២ និងតារាឆ្នើម Lionel Messi នៅនាទី៥១។
តាមរយៈជ័យជម្នះនេះ អាហង្សទីន ឡើងវគ្គផ្តាច់ព្រ័ត្រ ដោយឈររងចាំអ្នកឈ្នះរវាង អ៊ុយរូហ្គាយ និងកូឡំបី នៅព្រឹកស្អែក។ មែនទែនទៅ នេះគឺជាការឡើងមកកាន់វគ្គផ្ដាច់ព្រ័ត្រ២ឆ្នាំជាប់គ្នាហើយ របស់អាហង្សទីន ខណៈឆ្នាំមុនពួកគេក្លាយជាម្ចាស់ជើងឯក ។
គួរបញ្ជាក់ថា ក្រុមជម្រើសជាតិអាហង្សទីន និងអ៊ុយរូហ្គាយ ជាក្រុមជោគជ័យខ្លាំងជាងក្នុងព្រឹត្តិការណ៍នេះ ដោយលើកពានបានម្នាក់១៥ដងដូចគ្នា ខណៈប្រេស៊ីល ឈ្នះ ៩ដង៕
