ទូរទស្សន៍ LBCI របស់ប្រទេសលីបង់ បានរាយការណ៍កាលពីថ្ងៃសៅរ៍ថា នាយករដ្ឋមន្ត្រីអ៊ីស្រាអែល លោក ប៊េនចាមីន ណេតាន់យ៉ាហូ បានត្រៀមខ្លួនរួចរាល់ហើយ ដើម្បីចាប់ផ្តើមសង្រ្គាមពេញលេញប្រឆាំងនឹងក្រុមប្រដាប់អាវុធគាំទ្រប៉ាឡេស្ទីន ហេបូលឡា នៅក្នុងប្រទេសលីបង់។
ក្រុមហេសបូឡា បាននឹងកំពុងបាញ់គ្រាប់រ៉ុក្កែត និងគ្រាប់កាំភ្លើងត្បាល់ទៅលើទីតាំងរបស់អ៊ីស្រាអែល ចំពេលមានសង្រ្គាមអ៊ីស្រាអែល-ក្រុមហាម៉ាស់ដែលកំពុងបន្តនៅក្នុងតំបន់ ហ្គាហ្សា ស្ទ្រីប។ ការបាញ់បនេះបានជម្រុញឱ្យមានការវាយប្រហារសងសឹកពីកងទ័ពអ៊ីស្រាអែលវិញ។
យោងតាមទូរទស្សន៍ LBCI បានឱ្យដឹងថា របាយការណ៍ចារកម្មអំពីផែនការរបស់អ៊ីស្រាអែល ត្រូវបានផ្តល់ឱ្យក្រុមហេសបូឡាដោយប្រទេសអារ៉ាប់ដែលមិនបញ្ចេញឈ្មោះ។ ទីភ្នាក់ងារសារព័ត៌មានបាននិយាយថា យុទ្ធនាការកងកម្លាំងការពារអ៊ីស្រាអែលដ៏មានសក្តានុពល នឹងមានគោលបំណងបង្ខំពួកសកម្មប្រយុទ្ធឱ្យគោរពតាមដំណោះស្រាយសន្តិសុខអង្គការសហប្រជាជាតិ ១៧០១ ដែលត្រូវបានអនុម័តបន្ទាប់ពីការបញ្ចប់នៃសង្គ្រាមអ៊ីស្រាអែល-លីបង់ក្នុងឆ្នាំ២០០៦។ ឯកសាររបស់អង្គការសហប្រជាជាតិបានជួយសម្រួលដល់ការបង្កើតតំបន់គ្មានយោធានៅតាមព្រំដែនអ៊ីស្រាអែល-លីបង់។
ស្ថានការណ៍កាន់តែតានតឹងកាន់កើនឡើងក្នុងខែនេះ បន្ទាប់ពីការវាយប្រហាររបស់អ៊ីស្រាអែលបានសម្លាប់ លោក Saleh al-Arouri គឺជាមេដឹកនាំជាន់ខ្ពស់នៃក្រុមហាម៉ាស អនុប្រធានការិយាល័យនយោបាយ និងជាមេបញ្ជាការយោធានៃតំបន់ West Bank នៅក្នុងទីក្រុង Beirut។
កាលពីសប្តាហ៍មុន អគ្គមេបញ្ជាការនៃកងកម្លាំងការពារអ៊ីស្រាអែល លោក Herzi Halevi បាននិយាយថា លទ្ធភាពនៃជម្លោះជាមួយទីក្រុង Beirut គឺ “ខ្ពស់ជាងកាលពីអតីតកាល” ។ លោកបានបន្ថែមថា កងកម្លាំងការពារអ៊ីស្រាអែលស្ថិតក្នុងស្ថានភាព «បង្កើនការត្រៀមខ្លួន» សម្រាប់ការវាយប្រហារឆ្លងកាត់ព្រំដែន។
ជាមួយគ្នានេះដែរ រដ្ឋមន្ត្រីការបរទេសលីបង់ លោក Abdallah Bou Habib បាននិយាយថា ការចូលរួមរបស់ប្រទេសផ្សេងទៀតនៅក្នុងការប្រយុទ្ធគ្នាអ៊ីស្រាអែល-ក្រុមហាម៉ាស នឹង “មិនអាចទទួលយកបាន” ឡើយ។ លោកក៏បានព្រមានថា សង្រ្គាមជាមួយនឹងលីបង់នឹងមិនមែនជា “ពិចនិច” សម្រាប់អ៊ីស្រាអែលទេ។ សមាជិកសភា លោក Hassan Ezzedine បាននិយាយស្រដៀងគ្នានេះដែរថា ពួកសកម្មប្រយុទ្ធនឹង “វាយបកវិញខ្លាំងជាងមុនជាពីរដង ហើយវាយប្រហារទៅលើសត្រូវ”។
កាលពីដើមខែនេះ រដ្ឋមន្ត្រីការបរទេសអាមេរិក លោក Antony Blinken បានធ្វើដំណើរទៅកាន់មជ្ឈិមបូព៌ា ដើម្បីព្យាយាម និងទប់ស្កាត់សង្គ្រាមដ៏ពេញទំហឹងរវាងអ៊ីស្រាអែល និងក្រុមហេសបូឡា។
ប្រថភព៖ RT, ថ្ងៃពុធ ទី២៨ ខែមករា ឆ្នាំ២០២៤
