(ព័ត៌មានបឋម)៖ នៅយប់ថ្ងៃពុធ ១៤កើត ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃពុធ ទី២៤ ខែមករា ឆ្នាំ២០២៤ មានគ្រោះថ្នាក់ចរាចរណ៍មួយកើតឡើងរវាង រថយន្តម៉ាក KIA ពណ៌ខ្មៅ ពាក់ស្លាកលេខ កម្ពុជា YONG.8.8 ដោយជនមិនស្គាល់អត្តសញ្ញាណច្បាស់ និង រថយន្តម៉ាក NISSAN ពណ៌សម្បកឱឡឹក ពាក់ស្លាកលេខ ភ្នំពេញ 2F-3387 ដោយជនមិនស្គាល់អត្តសញ្ញាណ បណ្តាលឱ្យរថយន្តម៉ាក KIA រងការខូចខាតនៅចំកន្លែងបិទបើកទ្វារខាងក្រោយចំហៀងខាងឆ្វេង និង រថយន្តម៉ាក NISSAN រងការខូចខាតនៅផ្នែកខាងមុខ។
ហេតុការណ៍គ្រោះថ្នាក់ចរាចរណ៍ខាងលើនេះ បានកើតឡើងស្ថិតនៅតាមបណ្តោយផ្លូវ២០០៤ ទល់មុខសាលា CIA FIRST International School ស្ថិតក្នុង សង្កាត់អូរបែកក្អម ខណ្ឌសែនសុខ រាជធានីភ្នំពេញ បង្កឱ្យមានការភ្ញាក់យ៉ាងខ្លាំពីសំណាក់ប្រជាពរដ្ឋ។ ចំពោះព័ត៌មានលម្អិតទាក់ទងគ្រោះថ្នាក់ចរាចរណ៍ខាងលើនេះ មិនទាន់ត្រូវបានដឹងនៅឡើយទេ៕
